ПРОЕКТ: “Go for smart gardens around us” (Сите заедно за паметни градини околу нас) 

Реализација: 07.06 2024- 15.06 2024 година 

Место: Поронин, Полска 

Учесници: Во проектот земаа учество 34 учесници (ученици и 6 лидери од земјите партнери) од Полска, Македонија, Шпанија и Тунис

ЦЕЛИ: Целите на проектот беа учесниците: 

• да ја подигнат еколошката свест и да дискутираат за климатски промени, почва, заштита на околината 
• да научат за одржливо градинарство заедно со млади луѓе од други земји 
• да промовираат одржливо (паметно и интуитивно) градинарство во локалната заедница 
• да разменат добри практики во паметното и интуитивно градинарство од своите земји 
• да создадат “паметни” и интуитивни градини
• да го поддржат локалното општество, локалната природа и животната средина со одржлив пристап 
• да промовираат еко-пријателски став и да ја промовираат програмата Еразмус+

Темата на проектот “Go for smart gardens around us” e поддршка и промоција на одржливо и “паметно” градинарство, заштита на околината и со тоа подигнување на еколошката свест. Проектот се состои од главна активност - младинска размена. Активностите за размена беа спроведени во периодот од 7-15 јуни 2024 година во Поронин, Полска, во мирно место опкружено со шуми и зелена природа во планинскиот предел на Татрите. Заедничката имплементација на активности за размена се засноваше на принципите на неформално образование - работилници, состаноци, дискусии, игри за интеграција, презентации, директен контакт со локалната заедница, правење на социјална кампања со локалната заедница, интеркултурни средби и др. Учесниците од четирите земји- Полска, Македонија, Шпанија и Тунис имаа можност да дискутираат за одржливо и паметно градинарство, да разменат добри практики за паметно градинарство, да ја подигнат еколошката свест, да презентираат пред останатите учесници за климата, почвата, земјоделието, градинарството и пермакултурата на својата земја и да осознаат и за другите земји. За време на младинската размена, тие учествуваа во многу интерактивни работилници преку кои научија за одржливото градинарство, а тоа директно го имплементираа преку креирање на сопствени градини во рамките на планираните активности на проектот. Преку посета на ЕКО село и Закопане, учесниците остварија директна соработка со локалната заедница и спроведоа социјална кампања. Сите активности се реализираа во согласност со вредностите на Европската Унија, а со цел развивање на еколошката свест и промоција на Еразмус плус програмата.

Тренер/ обучувач: Agnieszka Trygar 

Организатор: Kamila Fąferek - Youth Support Centre 

Учесници во проектот: Биљана Јованова, Наташа Пејовска (лидери) 

Ученици: Ана Марија Томов, Александар Грчев (8 а), Илина Димитровска, Тина Анѓелиќ, Горјана Кузманоска (8 б), Петар Цветковски (8 г) 

ООУ Владо Тасевски, Скопје, 17.06 2024 г